Врвни перформанси на патот и надвор од него

Исклучителни карактеристики во функција на зголемена ефикасност и максимална забава при возењето

Креиран од SsangYong, исклучително искусен производител на 4WD возила, целокупната структура на Rexton W е дизајнирана за стабилни возни својства на патот и надвор од него. Новиот погонски склоп со напредни технологии овозможува врвно возачко искуство какво што може да се добие само од вистински off-roader.

Возбудливо ново срце

Перформанси подобри од било кога

Rexton W 2.0 e-xDi engine

Новата моторна единица на Rexton, RX200e-XDi со зафатнина од 2000 цм3, може да се пофали со подобрување на економичноста за 14% во однос на претходната генерација, и е во согласност со Еуро 5 стандардот за емисија на издувни гасови. Моторот е развиен така да испорача максимален вртежен момент при ниски вртежи, на тој начин овозможувајќи врвна ефикасност и подобрени перформанси. Максималната излезна сила е 155 К.С. при 4.000 вртежи во минута, а веќе на 1.000 вртежи во минута на возачот му се достапни 190Nm вртежен момент – особено значајни за тргнување без никаков проблем. Максималниот вртежен момент се одржува во рамките на 1,500-2,800 врт./мин., каде што моторот работи поголемиот дел од времето и испорачува супериорна сила за претекнувања без стресови.

Новиот RX200e-XDi моторот е во состојба да ги испорача своите најдобри перформанси дури и кога условите за возење се мошне лоши. Употребата на моторно масло со низок вискозитет (5W 30) кое ги задоволува екстремните барања при тестирање на Mercedes-Benz, овозможува интервалите на промена на маслото да бидат помалку чести (најмногу на секои 15,000km), додека иновативниот multi-twister систем значително ја намалува потрошувачката на моторното масло.

Префрлете во брзина!

Квалитетните мануелен или автоматски менувач ќе ги задоволат сите стилови на возење

Rexton W 5-speed automatic transmission from Mercedes

6-степен мануелен менувач

Преносните односи на 6-степениот мануелен менувач се развиени така да го подобрат забрзувањето, истовремено нудејќи високо економично возење при ниски брзини на моторот на автопат. Ефикасноста и трајноста се исто така подобрени благодарејќи на оптимизираното подмачкување со масло, а особено внимание е посветено на намалување на звуците при било која брзина.

5- степен Е-Tronic автоматски менувач од Mercedes-Benz

Е-Tronic автоматскиот менувач, изработен со помош на Mercedes-Benz технологија, обезбедува мазна и тивка промена на брзините. Напредната AI програма го следи целокупното функционирање на возилото и може да ги предвиди намерите на возачот, додека пак оптималната промена на степените на пренос обезбедува најдобри возни перформанси при било која брзина, истовремено намалувајќи ја потрошувачката на гориво.

Динамично, а истовремено удобно возење

Лимузинска нежност, SUV робусност

Rexton W ја имплементира истата напредна технологија која можете да ја сретнете во лимузините од највисока класа, како би се испорачале врвни возни својства и би се обезбедило највисоко ниво на удобност. Патувањето во овој SUV ветува максимално задоволство како за возачот така и за патниците.

Напреден систем на потпирање, за безбедно и пријатно возење

Rexton W suspension

Предни тркала: Систем со двојни вилушки

Предните тркала се поддржани со по две вилушки секое - една долна и една горна, како би се постигнал оптимален контакт со патот заради подобра стабилност при возењето. Дополнителна мекост овозможуваат гасните амортизери со двојно дејство, стабилизаторите и спиралните пружини.

Задни тркала: 8-точкино независно потпирање

Rexton W ги имплементира истите напредни системи за суспензија кои можат да се сретнат во лимузините од највисока класа, како би се постигнала супериорна амортизација – нешто што е од суштинско значење кога станува збор за управувачките способности на возилото и удобноста при возењето. Секоја од точките (врските) си има своја специфична задача при усмерување на тркалото а во функција на обезбедување максимална стабилност и супериорни управувачки способности при секоја промена на условите на патот. Покрај тоа, тркалата се движат независно едно од друго, на тој начин редуцирајќи го движењето на шасијата на груби површини и одржувајќи оптимална контрола во сите услови.


Part-time 4WD: Доживејте автентично SUV искуство

Part-time погонот на 4 тркала е едноставен и обезбедува одлични возни својства. Вообичаено, возилото е задвижувано само од задните тркала на тој начин редуцирајќи ја потрошувачката на гориво поради намаленото триење на тркалата со патот. Возачот може мануелно да го вклучи погонот на сите 4 тркала секогаш кога му е неопходна зголемена тракција, дури и во возење.


Rexton W 2WD Mode

Нормални услови за возење

2WD режим - високи преносни односи

При нормални услови на возење, 100 проценти од вртежниот момент на моторот се пренесува на задните тркала, така што Rexton функционира со најголема можна ефикасност.


Rexton W 4WD Mode

Снежни и подмрзнати услови за возење

4WD режим - високи преносни односи

Возачот може мануелно да го вклучи погонот на сите 4 тркала секогаш кога му е неопходна зголемена тракција, дури и во возење. Технологијата исто така доаѓа до израз кога е потребна влечна сила на нагорнина, овозможувајќи му на Rexton да тргне од место нежно и безбедно во секоја пригода.


Rexton W 4WDL Mode

Лизгави стрмнини и тешки теренски услови

4WD режим - ниски преносни односи (4WD заклучување)

Користете го овој режим секогаш кога имате потреба од еднаква дистрибуцијата на влечната сила помеѓу предните и задните тркала до брзина од 40 км/ч., со едноставно притискање на копче. Заклучување (блокада) на диференцијалот е нешто што е апсолутно неопходно за секој кампер или љубител на природата, како и за оние возачи кои ги користат пристанишните рампи при внесување/изнесување пловила во/од водените површини.


Rexton towing capacity